Xabar berganimizdek, 2024 yil 6-10 fevral kunlari O‘zbekiston davlat jismoniy tarbiya va sport universitetida voleybol bo‘yicha 14 yoshgacha va undan kichik yoshdagi o‘g‘il bolalar o‘rtasida O‘zbekiston kubogi bellashuvlari bo‘lib o‘tdi.
Unda Qoraqalpog‘iston Respublikasi, Toshkent shahri va barcha viloyatlardan 14 ta jamoa chempionlik uchun murosasiz bahs olib borishdi. Jamoalar o'rtasidagi shiddatli kechgan o'yinlar yakunida:
🥇1-o‘rin – Andijon viloyati jamoasi;
🥈2-o‘rin – Toshkent viloyati jamoasi;
🥉3-o‘rin - Qashqadaryo viloyati jamoasiga nasib etdi.
G‘olib va sovrindorlar tashkilotchilar tomonidan diplom, medal, kubog hamda qimmatbaho sovg‘alar bilan taqdirlanishdi.
Ma’lumot o‘rnida, g‘olib jamoa joriy yilda Rossiyaning Novosibirsk shahrida o‘tkaziladigan Hamdo‘stlik kubogida mamlakatimiz sharafini himoya qiladi.