#tashrif
Bugun O‘zbekiston davlat jismoniy tarbiya va sport universiteti Yoshlar masalalari va ma’naviy-ma’rifiy ishlari bo‘yicha birinchi prorektor Sh.Mirzanov boshchiligida Qishki sport turlari nazariyasi va uslubiyati kafedrasi mas’ullari hamda sportchi talabalaridan iborat oliygoh jamoasi O‘zbekiston Respublikasi Konstitutsiyasining 31-yilligi munosabati bilan Islom Karimov ilmiy-ma’rifiy yodgorlik majmuasiga tashrif buyurdi va Islom Karimov xotirasiga bag‘ishlab tashkil etilgan tadbirda ishtirok etishdi.
Unda shuningdek, Islom Karimov ilmiy-maʼrifiy Yodgorlik majmuasi Vasiylik kengashi aʼzosi, Birinchi Prezident Islom Karimovning rafiqasi Tatyana Karimova, O‘zbekiston xokkey federatsiyasi va majmua vakillari qatnashishdi.
Dastlab, Prezident haykali poyiga gullar qo‘yildi. Shundan so‘ng, majmua tarkibiga kiruvchi Islom Karimov nomidagi kutubxona fondi hamda muzeyidagi “Butun olamni jo qilgan yurak” nomli fotogalereya bilan yaqindan tanishildi. Shuningdek, tadbir davomida Birinchi Prezident va uning yurt rivoji yo‘lidagi xizmatlari haqida so‘z yuritildi.
Yakunda Tatyana Karimova tomonidan O‘zbekiston davlat jismoniy tarbiya va sport universitet jamoasiga “Islom Karimov mustaqil O‘zbekiston asoschisi” nomli kitob sovg‘a qilindi.