Universitetda tashkil etilayotgan “Axborot soati” talabalarni erkin fikrlashga undamoqda

#tyutorlar_faoliyati

#axborot_soati

Bugun O‘zbekiston davlat jismoniy tarbiya va sport universitetida tyutorlar tomonidan o‘tkazilgan navbatdagi “Axborot soati” 8-dekabr O‘zbekiston Respublikasi Konstitutsiyasining 31-yilligiga bag‘ishlandi.

“Yangi O‘zbekistonda inson huquqlari” mavzusida bo‘lib o‘tgan mazkur “Axborot soati”da talaba-yoshlarga yangi tahrirdagi Konstitutsiyda belgilangan normalarning mazmun-mohiyati hamda ularni hayotda tatbiq etilishi to‘g‘risida so‘z yuritildi. Eng muhimi, talabalar mavzu yuzasidan savollar yo‘llash bilan cheklanib qolmasdan, bu borada o‘z fikrlarini erkin bayon etishdi.

Shuningdek, oliygohning Tibbiyot fakulteti professor-o‘qituvchilari 1-dekabr – Xalqaro OITSga qarshi kurashish kuni munosabati bilan mazkur kasallikning kelib chiqish sabablari va undan saqlanish borasida ham zaruriy ma’lumotlarni berib o‘tdilar.