#xalqaro_hamkorlik
2023-yil 27-noyabr kuni O‘zbekiston davlat jismoniy tarbiya va sport universitetiga Qozog‘iston Respublikasidagi K.Jubanov nomidagi Aqto‘be davlat universitetining Kasb-hunar va ijodiy fakultet dekani J.Kartbayeva boshchiligidagi delegatsiya vakillari tashrif buyurdi.
Dastlab, delegatsiya vakillari oliygohda professor-o‘qituvchilar hamda talaba-yoshlar uchun yaratilgan sharoitlar, sport majmualarini ko‘zdan kechirishdi.
Shundan so‘ng tomonlar o‘rtasida uchrashuv o‘tkazilib, unda ikki oliygoh o‘rtasida jismoniy tarbiya va sport sohasi bo‘yicha mustahkam xalqaro aloqalarni o‘rnatish va o‘zaro tajriba almashishga qaratilgan hamkorlik memorandumi imzolandi.