SOG‘LOM AYOL – BUYUK KELAJAK!

Bugun, 24-noyabr kuni O‘zbekiston davlat jismoniy tarbiya va sport universiteti Xotin-qizlar kengashi tomonidan sog‘lom turmush tarzini targ‘ib qilish hamda sportni ommalashtirish maqsadida Chirchiq shahrida joylashgan mahalla xotin-qizlar faollari va oliygoh talaba-qizlari bilan birgalikda “Sog‘lom ayol – buyuk kelajak” shiori ostida sport tadbiri tashkil etildi.

Mazkur sport tadbirida sportning shaxmat-shashka, stol tennisi, basketbol va yengil atletika turlari bo‘yicha bellashuvlar o‘tkazildi. Unda Yengil atletika, biatlon nazariyasi va uslubiyati kafedrasi professori K.Shakirjanova, barcha fakultet tyutorlari hamda universitetning “Qizlarjon” va Sport klubi a’zolari jonbozlik ko‘rsatdilar.

Tadbir so‘ngida faollik ko‘rsatgan bir qator xotin-qizlar universitet rektorining tashakkurnoma hamda esdalik sovg‘alari bilan taqdirlandilar.