Jaholatga qarshi maʼrifat bilan kurashish – har doim eng to‘g‘ri yo‘ldir!

Bugun O‘zbekiston davlat jismoniy tarbiya va sport universitetida Prezidentimiz Sh.Mirziyoyevning ayni vaqtda butun dunyoda katta tashvish va xavotir uyg‘otayotgan Isroil hamda Falastin o‘rtasidagi mojaroga bildirgan munosabati mazmun-mohiyatini talaba-yoshlarga yetkazish maqsadida yig‘ilish o‘tkazildi.

Yig‘ilishda universitet rektori, Mahmudjon Boltabayev yurtboshimizning mazkur hodisa bo‘yicha bildirgan munosabatining asl mazmun-mohiyatiga to‘xtalib, uning tag zamirida har qanday jaholatga qarshi maʼrifat bilan kurashish g‘oyasi yotganligini aytib o‘tdi. Shu boisdan, talaba-yoshlarni atrofdagi voqelarga befarq bo‘lmasdan hamisha ogoh bo‘lishlari hamda turli oqimlar taʼsiriga tushib qolmaslikning yagona chorasi – ilm yo‘lidan borish va doimo ilim cho‘qqilarini zabt etish, halol va pok bilim olish kerakligi alohida taʼkidlandi.

Yakunda esa joriy yilning 26-oktyabr kuni Belarus davlat jismoniy tarbiya universiteti tomonidan o‘tkazilgan shaxmat bo‘yicha xalqaro onlayn turnirda g‘olib bo‘lgan talaba-yoshlar taqdirlandi.