Xabaringiz bor, kuni kecha Xitoyning Xanchjou shahrida IV Para Osiyo o‘yinlari boshlandi.
Unda O‘zbekiston delegatsiyasi ilk marotaba katta tarkib, yaʼni 11 ta sport turi bo‘yicha 108 nafar para sportchilarimiz bilan ishtirok etmoqda. Quvonarlisi, ularning orasida O‘zbekiston davlat jismoniy tarbiya va sport universitetining ham 4 nafar talabasi yurtimiz sharafini munosib ravishda himoya qilishga kirishib, musobaqa chempioni bo‘lishga ham ulgurishdi.
O‘zbekiston delegatsiyasiga ikkinchi oltin medalni hadya etgan universitetimizning Qishki sport turlari va paralimpiya fakulteti talabasi Iroda Rustamova Parakanoeda eshkak eshish bo‘yicha ayollar o‘rtasidagi VL2 klassi bahslarida marraga birinchi bo‘lib yetib keldi hamda musobaqa chempioniga aylandi.