Universitet terma jamoasi “Besh tashabbus olimpiadasi”ning respublika bosqichiga yo‘l olishdi!

#Besh_tashabbus_olimpiadasi

Joriy yilning 19-20 oktyabr kunlari Chirchiq davlat pedagogika universitetida Toshkent viloyati oliy ta’lim muassasalari jamoalari o‘rtasida “Besh tashabbus olimpiadasi”ning viloyat bosqichi bo‘lib o‘tdi.

Unda O‘zbekiston davlat jismoniy tarbiya va sport universiteti terma jamoasi 35 nafar tarkib bilan ishtirok etdi.

Yakunda esa:

- voleybol sport turidan (erkak, ayollar) 14 nafar sportchi;
- stritbol sport turidan (erkak, ayollar) 8 nafar sportchi;
- stol tennisidan esa (erkak) 1 nafar, jami 23 nafar sportchi talabalarimiz faxrli 1-o‘rinni egallab, musobaqaning Respublika bosqichiga yo‘l olishdi.

Eslatib o‘tamiz, “Besh tashabbus olimpiadasi” sport musobaqalarining Respublika bosqichi joriy yilning 2-5 noyabr kunlari Buxoro viloyatida o‘tkaziladi.