Sizga taʼzim, sizga ehtirom aziz ustozlar!

#bayram_tadbiri

Bugun O‘zbekiston davlat jismoniy tarbiya va sport universitetida 1 oktyabr – O‘qituvchi va murabbiylar kuni munosabati bilan “Sizga taʼzim, sizga ehtirom aziz ustozlar” mavzusida bayram tadbiri bo‘lib o‘tdi.

Tadbirni ochib bergan universitet rektori, professor Maxmudjon Boltabayev barcha professor-o‘qituvchilarni yaqinlashib kelayotgan sharafli kasb bayramlari bilan tabrikladi. U o‘z so‘zida ustozlik bu – ulug‘ maqom ekanligini, har bir yoshning tafakkur dunyosi shakllanishida ustoz hamda muallimlar mehnati beqiyos bo‘lishini alohida taʼkidlab o‘tdi. Shundan so‘ng oliygohda yillar davomida samarali mehnat qilib kelayotgan bir qator faxriy va fidoyi ustozlarga tashakkurnomalar topshirildi.

Ayniqsa, to‘kin dasturxon atrofida qurilgan shirin suhbatlar hamda diltortar kuy-qo‘shiqlar, ustozlar shaʼniga aytilgan sheʼrlar yig‘ilganlarga birdek quvonch ulashdi.