O‘zDJTSUda talabalarning dars jarayonlari ota-onalar tomonidan kuzatilishiga imkoniyat yaratiladi

Bugun O‘zbekiston davlat jismoniy tarbiya va sport universitetida oliygohning Sport o‘yinlari hamda Futbol fakulteti tashabbusi bilan “Ota-onalar forumi” tashkil etildi.

Barcha oliy taʼlim muassasalari singari, O‘zbekiston davlat jismoniy tarbiya va sport universitetida ham yuqori saviyada tashkil etilgan “Ota-onalar forumi” – tarbiyaviy ishlarda ota-onalar bilan aloqalarni kuchaytirish hamda talabalarning dars jarayonlarini bevosita ularning yaqinlari tomonidan kuzatishga imkoniyat yaratilishi bilan katta ahamiyat kasb etdi.

Shuningdek, forumdan ko‘zlangan maqsad ota-onalarni talabalarning hayoti, taʼlim-tarbiya jarayoni va universitetda ular uchun yaratilgan sharoitlar bilan yaqindan tanishtirish hamda yuzaga kelayotgan ayrim muammolarni o‘zaro hamkorlik asosida hal qilishga erishishdan iborat bo‘ldi.

Maʼlumot o‘rnida, forum doirasida talabalarning 150 ga yaqin ota-ona va oila aʼzolari ishtirok etishdi.