Sportchilar oilasida yangi o‘quv yili ko‘tarinki kayfiyat va o‘zgacha zavq bilan boshlandi!

Bugun O‘zbekiston davlat jismoniy tarbiya va sport universitetida 2023-2024 o‘quv yilining boshlanishi hamda talabalikka tavsiya etilgan barcha talaba-yoshlarni qutlashga bag‘ishlangan tantanali bayram tadbiri bo‘lib o‘tdi.

Unda universitet rahbariyati, jamoatchilik vakillari, faxriy ustozlar va professor-o‘qituvchilar, talabalar hamda ularning ota-onalari ishtirok etishdi.

Tadbirni dastlab universitetning Yoshlar masalalari va maʼnaviy-maʼrifiy ishlari bo‘yicha birinchi prorektori Sherzod Mirzanov ochib berdi. Shundan so‘ng, bir qator faxriy ustoz va mehmonlar, ota-onalar tadbir qatnashchilarini mustaqilligimizning 32 yilligi va talabalik baxtiga musharraf bo‘lgan barcha talaba-yoshlarni sportchilar oilasining aʼzosi bo‘lganliklari bilan muborakbod etishdi. Shuningdek, oliygohga eng yuqori natijalarni qayd etib, imtiyoz asosida qabul qilingan talabalar ham o‘zlarining his-hayajonlari bilan o‘rtoqlashdi. Ayniqsa tadbir davomidagi sho‘x tarona va sportchilar ishtirokidagi ko‘rgazmali chiqishlar hammada katta taassurot qoldirdi.

Tadbir so‘ngida esa talabalarga universitet rahbariyati tanishtirilib o‘tildi va yangi o‘quv yilidagi ilk dars mashg‘ulotlarining boshlanishiga start berildi.