#Yekaterinburg_sport_festivali_2023
Xalqaro universitetlar sport festivali qizg‘in bahslarga boy tarzda davom etmoqda.
Bugun, taekvondo WT va Badiiy gimnastika sport turi bo‘yicha final bahslari bo‘lib o‘tdi.
Taekvondo WT sport turi bo‘yicha ayollar o‘rtasidagi bahsda 73 kg vaznda ishtirok etgan sportchimiz Iroda Mirtojieva chempion bo‘ldi. Erkaklar o‘rtasida 74 kg vaznda Najmiddin Qosimxo‘jiev oltin medalga sazovor bo‘ldi.
Badiiy gimnastika sport turi bo‘yicha O‘zbekiston davlat jismoniy tarbiya va sport universiteti sharafini himoya qilgan sportchilarimiz Xurshida Abduraufova, Asal Ahmedova, Liliya Ibadullaeva jamoaviy bahslarda bronza medali qo‘lga kiritishdi.
Universitet jamoasi sportchi-talabalarimizni hamda ularning murabbiylarini erishgan g‘alabalari bilan samimiy qutlaydi!