#obodonlashtirish
O‘zbekiston davlat jismoniy tarbiya va sport universitetida oliygoh hududini obodonlashtirish va ko‘kalamzorlashtirish ishlari qizg‘in davom etmoqda!
Xususan, mazkur jarayon boshlanganidan buyon fakultetlar kesimida universitet hududidagi mavjud manzarali daraxtlarga shakl berilib, oqlandi. Shuningdek, o‘quv binolari, sport zallari hamda talabalar turar joylarining atroflarida tozalash va taʼmirlash ishlari olib borildi.
Eng ahamiyatlisi, oliygohga o‘zgacha ko‘rk berib turgan yashillikni asrash va uni yana-da obod qilish maqsadida turli manzarali daraxtlar, rang-barang gullar o‘tqazildi. Bevosita o‘tqazilgan dov-daraxt va butalar parvarishi yuzasidan ham tadbirlar tashkil etilib, soha mutaxassislari jalb etilmoqda.
Ushbu jarayonlar bilan yuqoridagi fotolavhalarda tanishishingiz mumkin.