Bugun O‘zbekiston davlat jismoniy tarbiya va sport universitetida O‘zbekiston Ekologik partiyasi bilan hamkorlikda 6 aprel – Xalqaro sport hamda 7 aprel – Butunjahon salomatlik kunlari munosabati bilan “Sog‘lom turmush – uzoq umr kafolati” shiori ostida maʼnaviy-maʼrifiy tadbir bo‘lib o‘tdi.
Unda Oliy majlis Qonunchilik palatasi deputatalari, O‘zbekiston Ekologik partiyasi Markaziy Kengashi Ijroiya qomitasi hamda Mudoffa vazirligi Chirchiq oliy tank qo‘mondon muhandislik bilim yurti vakillari, universitet rahbariyati, harbiylar, professor-o‘qituvchilar, murabbiylar hamda sportchi talaba-yoshlar, OAV vakillari ishtirok etishdi.
Tadbirni oliygohning Yoshlar masalalari va ma’naviy-ma’rifiy ishlari bo‘yicha birinchi prorektori N.Dusanov ochib berdi. O‘z o‘rnida, bir qator faxriy mehmonlar ham sport – butun dunyoga tinchlik ulashuvchi kuch ekanligi va ushbu sanalarni jahon bo‘yicha keng ravishda nishonlanishidan asosiy maqsad, insonlarning salomatligi va farovonligi muhofazasi yo‘lida birgalikda harakat qilishdan iborat ekanligini alohida qayd etishdi. Shuningdek, tadbir doirasida tashkil etilgan turli sport anjomlari, kuboklar, medallar ko‘rgazmasi, sport ustalari va harbiylarning o‘ziga xos chiqishlari hamda Mudofa vazirligi Qurolli kuchlar markaziy ashulla va raqs ansanbli tomonidan ijro etilgan kuy-qo‘shiqlar-u, jozibador raqslar ham tadbirga o‘zgacha ko‘rk baxsh etdi.