Nazm mulkining ikki yulduzi!

Bugun O‘zbekiston davlat jismoniy tarbiya va sport universitetida ulug‘ mutaffakir, so‘z mulkining sultoni Hazrat Alisher Navoiy tavalludining 582 yilligi hamda shoh va shoir, sarkarda, davlat arbobi Zahiriddin Muhammad Bobur  tavalludining   540 yilligi munosabati  bilan “Nazm mulkining ikki yulduzi” mavzusida ma’naviy-ma’rifiy, badiiy-musiqiy tadbir tashkil etildi.

Unda Respublika ma’naviyat va ma’rifat markazi Chirchiq shahar bo‘linmasi vakillari, ma’naviyat targ‘ibotchilari, MFY faollari, O‘zDJTSU hamda ChDPUlari professor-o‘qituvchilari, talabalari, harbiylar, Chirchiq Olimpiya va Paralimpiya Markazi o‘quvchilari ishtirok etishdi.

Dastlab, tadbir doirasida o‘ziga xos loyiha amalga oshirildi. Unga ko‘ra talabalar Navoiy va Bobur ijodiga oid savollarga bosqichma-bosqich javob berib, turli badiiy adabiyotlarni qo‘lga kiritdi. Shundan so‘ng, ikki zabardast vakilimizning adabiy merosi hamda uning yoshlar ma’naviyatini yuksaltirishdagi beqiyos o‘rni haqida fikrlar bildirildi. Eng ahamiyatlisi, tadbirning badiiy qismidan joy olgan iqtidorli talaba-yoshlar va o‘quvchilar ijrosidagi sahna ko‘rinishlari, monologlar, diltortar kuy-qo‘shiqlar barchada o‘zgacha taassurot qoldirdi.