Bugun O‘zbekiston Taekvondo WT Assotsiatsiyasida Prezidentning 2022-yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to‘g‘risida”gi Qarorida belgilangan ustuvor vazifalar ijrosini ta’minlash maqsadida O‘zbekiston davlat jismoniy tarbiya va sport universiteti hamda O‘zbekiston Taekvondo WT Assotsiatsiyasi o‘rtasida o‘quv-mashg‘ulotlari, ilmiy-uslubiy va innovatsion texnologiyalar asosida taekvondo sport turini yanada takomillashtirish bo‘yicha o‘zaro hamkorlik Shartnomasi imzolandi.
Unga muvofiq tomonlar o‘rtasida kelgusida milliy terma jamoalar bilan ishlash, o‘quv-mashg‘ulotlarni ilmiy asosda tashkil qilish va trenerlar malakasini oshirish, shuningdek, O‘zbekiston davlat jismoniy tarbiya va sport universitetining taekvondo ixtisosligida ta’lim olayotgan talabalarini kelajakda yuqori malakali kadr etib tayyorlash, iqtidorli talabalar va professor-o‘qituvchilarni dolzarb muammolar yechimiga yo‘naltirilgan mavzular asosida ilmiy tadqiqotlarga jalb qilish bo‘yicha Assotsiatsiya bilan hamkorlida ishlash kabi muhim masalalar yuzasidan kelishib olindi.