Sportchilar oilasida "Universitet teatr studiyasi" o‘z faoliyatini boshladi!

Endilikda, O‘zbekiston davlat jismoniy tarbiya va sport universitetida talabalarning bo‘sh vaqtini mazmunli o‘tkazish hamda ularni aktyorlik san’atiga oshno etish maqsadida “Universitet teatr studiyasi” faoliyati yo‘lga qo‘yilmoqda.

Shu munosabat bilan bugun oliygohning 3-sonli TTJ da talabalar o‘rtasida ilk aktyorlik mahorat darslari tashkil etildi. Ushbu mahorat darslarini Yosh tomoshabinlar teatri aktyori Azamat Saparbayev olib bordi.

Qiziqarli va o‘ziga xos jarayonlarga boy bo‘lgan mashg‘ulot davomida talaba-yoshlar ishtirokida ajoyib master-klasslar ham o‘tkazildi.

Eslatib o‘tamiz, mazkur to‘garak faoliyati haftada uch kun o‘tkazilishi belgilandi.

O‘zDJTSU ma’naviyat va ma’rifat markazi.