O‘zbek-Belarus fakulteti talabalari III futbol festivalida g‘olib bo‘ldi!

2022-yil 8-11 noyabr kunlari O‘zbekiston davlat jismoniy tarbiya va sport universiteti O‘zbek-Belarus fakultetining 2+2 qo‘shma ta’lim dasturi bo‘yicha tahsil olayotgan 3-4-kurs talabalari jamoasi Belarus Respublikasidagi Belarus davlat jismoniy tarbiya universitetida tashkil etilgan III futbol festivalida g‘olib bo‘lishdi.

Unda 120 dan ortiq yosh futbolchilar 8 ta jamoaga bo‘linib, festival davomida qizg‘in munozaralarga boy bo‘lgan ajoyib o‘yinlarni namoyish etishdi.

Yakuniy natijalarga ko‘ra, O‘zbek-Belarus fakulteti talabalari 1-o‘rinni qo‘lga kiritdi va shaxsiy nominatsiya bo'yicha – Sarsenov Dilmurot eng yaxshi darvozabon deb topildi.

Sovrindor talabalarimizga esa festival tashkilotchilari tomonidan g‘oliblik medali hamda diplom topshirildi.