Ta’lim dasturlarini akkreditatsiyadan o‘tkazish bo‘yicha o‘rganish amalga oshirildi.

Bugun O‘zbekiston davlat jismoniy tarbiya va sport universitetida ta’lim dasturlarini maxsus davlat akkreditatsiyasidan o‘tkazish jarayoniga tayyorgarlik ko‘rish hamda yangi yo‘nalishlarni joriy etish yuzasidan o‘rganish ishlari olib borildi.

✔️Mazkur jarayonda Ta’lim sifatini ta’minlash milliy agentligi mas’ul xodimi Dilmurod Maxmerajabov, ekspertlar Mansurbek Ma’rufov, Xanjarbek To‘xtaxo‘jayev, G‘olibjon Ravshanov hamda universitet rahbariyati va mas’ul xodimlari ishtirok etdilar.

📌 O‘rganilgan ta’lim dasturlari:
🟢61010200 — Sport faoliyati (qilichbozlik)
🟢70111201 — Jismoniy tarbiya va sport mashg‘ulotlari metodikasi

🗣O‘rganish davomida mazkur ta'lim dasturlari bo‘yicha ish beruvchi tashkilot vakillarining fikrlari eshitilib, o‘quv-uslubiy ta’minot, moddiy-texnik bazasi, professor-o‘qituvchilar salohiyati hamda ushbu jarayonlarni zamonaviy talablar asosida tashkil etish masalalari atroflicha ko‘rib chiqildi.

✍️Shuningdek, ekspertlar tomonidan ta’lim sifatini oshirish, o‘quv jarayoniga ilg‘or pedagogik va innovatsion texnologiyalarni joriy etish yuzasidan tavsiyalar berildi.

📱Mazkur o‘rganish ishlari universitetda ta’lim sifatini yanada takomillashtirish, raqobatbardosh kadrlar tayyorlash hamda xalqaro standartlarga mos ta’lim dasturlarini yo‘lga qo‘yishda muhim ahamiyat kasb etadi.