Yashil kelajak sari: O‘zbekiston davlat jismoniy tarbiya va sport universitetida “Yashil makon” umummilliy loyihasining bahorgi mavsumiga start berildi

Yurtimizda ekotizimlarni asrash, yashil hududlarni kengaytirish hamda ko‘kalamzorlashtirish ishlarini jadallashtirishga qaratilgan Yashil makon umummilliy loyihasi izchil amalga oshirilmoqda.

🌳 26-fevral kuni universitet jamoasi tomonidan mazkur loyihaning bahorgi mavsumiga tantanali start berildi. Tadbirda universitet rahbariyati, professor-o‘qituvchilar, ishchi-xizmatchilar hamda talabalar faol ishtirok etib, oliygoh hududida mahalliy iqlim sharoitiga mos 100 tupga yaqin manzarali daraxt ko‘chatlari ekildi.

🌿 Ushbu ezgu tashabbus ekologik madaniyatni yuksaltirish, yashil hududlar maydonini kengaytirish hamda atrof-muhitni asrashga munosib hissa qo‘shishga xizmat qiladi.

✔️Yashil makon — musaffo havo, sog‘lom turmush va barqaror kelajak demakdir!