O‘zbekiston davlat jismoniy tarbiya va sport universitetida belbog‘li kurash bo‘yicha Xalqaro do‘stlik kubogi boshlandi!

🗓Bugun, 2025-yil 17-oktabr kuni O‘zbekiston davlat jismoniy tarbiya va sport universitetida belbog‘li kurash bo‘yicha Xalqaro do‘stlik kubogi musobaqasi start oldi.

🗣Mazkur nufuzli turnirda O‘zbekiston, Qirg‘iziston, Tojikiston va Rossiya Federatsiyasi belbog‘li kurash federatsiyalari vakillari ishtirok etmoqda. Musobaqa doirasida universitet hamda xorijiy sport tashkilotlari o‘rtasida hamkorlik memorandumi imzolandi. Shundan so‘ng mehmonlar universitet shon-sharaf muzeyi ekspozitsiyasi bilan tanishdilar.

🔺Tantanali ochilish marosimini Chirchiq shahar hokimi Murodjon Abdurahimov ochib berdi. Marosimda shuningdek,
⏺  “Xalqaro koresh – belbog‘li kurash federatsiyasi” vitse-prezidenti Ravil Nogumanov,
🟣  Xalqaro Qirg‘iz Kurosh federatsiyasi prezidenti Riskeldi Shamiyev,
🔘  Rossiya Federatsiyasi Pavolojya davlat madaniyat, sport va turizm universiteti professorlari Robert Bikmuxametov va Rishat Mubarakzyanov, shuningdek, boshqa ko‘plab nufuzli mehmonlar ishtirok etdilar.
✅Musobaqa Milliy kurash turlari nazariyasi va uslubiyati kafedrasi hamda “Xalqaro koresh – belbog‘li kurash federatsiyasi” hamkorligida tashkil etilgan bo‘lib, bahslar 5 ta vazn toifasida — 65 kg, 75 kg, 85 kg, 100 kg va +100 kg vazn tofalarida o‘tkazilib, yuqori darajadagi raqobat va sport ruhi bilan kechmoqda.