O‘zbekiston davlat jismoniy tarbiya va sport universitetida navbatdagi Kengash yig‘ilishi o‘tkazildi.

#kengash_yiğilishi

✅Bugun, 30-may kuni O‘zbekiston davlat jismoniy tarbiya va sport universitetida navbatdagi Kengash yig‘ilishi o‘tkazildi.

📍Universitet rektori Rashid Matkarimov raisligida o‘tkazilgan yig‘ilishda, dastlab, Oliy ta’lim muassalari oʻrtasida bo‘lib o‘tgan “Universiada-2025” sport musobaqalaridagi oliygoh talabalarining erishgan g‘alabalari alohida qayd etildi va sohadagi ilmiy ishlarini muvaffaqiyatli himoya qilgan bir guruh professor-o‘qituvchilarga ilmiy daraja hamda unvonlar topshirildi. 

✔️Shundan so‘ng, sport sohasi va universitet faoliyatiga oid O‘zbekiston Respublikasi Prezidentining Farmonlari, Qarorlari va Vazirlar Mahkamasining qarorlari, Sport vazirligi topshiriqlari va buyruqlari, shuningdek, Jismoniy va yuridik shaxslarning murojaatlari va tegishli hujjatlar bilan ishlash sifati to‘g‘risida ma’lumotlar berildi.

👇Tanqidiy-tahliliy ruhda kechgan yig‘ilish davomida quyidagi masalalar yuzasidan hisobotlar tinglandi:

⏩2025-2026 o‘quv yili uchun kirish ijodiy (kasbiy) imtihonlarining dasturiy talablari va baholash mezonlarini tasdiqlash;

⏩Ilmiy tadqiqot natijalarini tijoratlashtirilishi hamda xo‘jalik shartnomalarining bajarilishida erishilgan yutuqlar, muammo va vazifalar to‘g‘risida;

⏩Tanlov ishlari. Ilmiy unvonga tavsiya etish;

⏩Sport federatsiyalari bilan universitet hamkorlik aloqalari xususida;

⏩TTJ va sport inshootlarni boshqarish direksiyasi, talabalar turar joyida sanitariya holatini nazorati hamda yotoqxona to‘lovlarini o‘z vaqtida to‘lab borishi hamda sport inshootlaridan unumli foydalanishi bo‘yicha.

📜O‘z navbatida, kun tartibidagi boshqa muhim masalalar yuzasidan ham mas’ullarning hisobotlari tinglandi.