DZYUDO, KARATE NAZARIYASI VA USLUBIYATI KAFEDRASI

KAFEDRA TARIXI

“Milliy va xalqaro kurash turlari nazariyasi va uslubiyati” kafedrasi 1956 yilda shu davrdagi O‘zbekiston jismoniy tarbiya va sport Qo‘mitasi tashabbusi bilan O‘zbekiston davlat jismoniy tarbiya instituti tarkibida ochilgan. Kafedra turli yillarda “Milliy va xalqaro kurash turlari nazariyasi va uslubiyati” kafedrasi deb ham nomlangan. O‘zbekiston Respublikasi Prezidentining 2017 yil 2 oktabrdagi PQ-3306-sonli “Kurash” milliy sport turini yanada rivojlantirish chora-tadbirlari to‘g‘risida” qarori, 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi PF-5368-sonli Farmoni hamda bu sohaga tegishli boshqa me’yoriy-huquqiy hujjatlarda belgilangan vazifalarni amalga oshirish maqsadida O‘zbekiston davlat jismoniy tarbiya va sport universiteti nizomidan kelib chiqgan holda mazkur kafedrani ikkiga yani “Xalqaro kurash turlari nazariyasi va uslubiyati” hamda “Milliy sport turlari, o‘yinlari nazariyasi va uslubiyati” kafedralariga bo‘lindi.

Xalqaro kurash turlari nazariyasi va uslubiyati kafedrasi dzyudo, sambo, erkin kurash va yunon-rum kurashlarini o‘z ichiga olgan. 2020 yil sentabr oyidan boshlab karate sport turidan talabalr qabul qilish boshlangan. O‘zbekiston Respublikasi Prezidentining 20.06.2022 yildagi PQ-286 son “Dzyudo sport turini yanada rivojlantirish chora-tadbirlari to‘g‘risidagi” qarori hamda sohaga tegishli farmon va qarorlarni ijrosini ta’minlash maqsadida O‘zbekiston davlat jismoniy tarbiya va sport unversitetida 2023-yildan boshlab “Dzyudo, karate nazariyasi va uslubiyati” kafedrasi faoliyat boshladi. 2023-yil sentabr oyidan boshlab Arslanov Shuhrat Arslon o‘g‘li kafedraga rahbarlik qilib kelmoqda.

Dzyudo, karate nazariyasi va uslubiyati kafedrasida sport faoliyati “Dzyudo” hamda sport faoliyati “Karate WKF” ixtisosliklari bo‘yicha bakalavr ta`lim yo‘nalishlarida taxsil olib kelmoqda.Kafedra professor-o‘qituvchilar tarkibida: O‘zbekistonda xizmat ko’rsatgan ustozi, professor Ilov Arslon Nurovich, O‘zbekistonda xizmat ko’rsatgan murabbiy Arslanov Shuhrat Arslon o‘g‘li, dzyudo bo‘yicha sport ustasi, dotsent Djumanov Bahitjan Muhtarovich, dzyudo bo‘yicha sport ustasi, p.f.b.f.d.(PhD) Qodirov Sirojiddin Erkinboyevich, p.f.b.f.d.(PhD) Alimov Umid Abduxamidovich, katta o‘qituvchilar Lyulina Yekatrina Sergeyvinna, dzyudo bo‘yicha xalqaro toifadagi sport ustasi Ozdayeva Viktoriya Ruslanovnna, Arslanov Shavkat Arslon o‘g‘li, Abdurahmonov Olim Abdurasulovich, Anarbayev Malik Axmedovich, dzyudo bo‘yicha xalqaro toifadagi sport ustasi Bo‘riyev Zafar Raximovich, dzyudo bo‘yicha xalqaro toifadagi sport ustasi olimpiada o‘yinlari sovrindori Tangriyev Abdulla Tovashovich va karate WKF sport turi bo‘yich xalqaro toifadagi hakam Maqsudov Sanjar Ravshanovichlar faoliyat olib bormoqda.

KAFEDRADA FAOLIYATI OLIB BORAYOTGAN PROFESSOR-O‘QITUVCHILARNING NASHIRDAN CHIQQAN O‘QUV ADABIYOTLARI