Xalqaro miqyosdagi taniqli olim va sport mutaxassislariga O‘zbekiston davlat jismoniy tarbiya va sport universiteti “Faxriy doktor”i unvoni berildi.

2026-yil 10-avgust kuni O‘zbekiston davlat jismoniy tarbiya va sport universitetida Yongin universiteti Jismoniy tarbiya kafedrasi professori, Koreya Sport qo‘mitasining Kompleks sport o‘yinlari komissiyasi raisi, Xalqaro og‘ir atletika federatsiyasining xalqaro toifadagi hakami, Osiyo og‘ir atletika federatsiyasining Murabbiylik va ilmiy-tadqiqot komissiyasi a’zosi, Koreya jismoniy tarbiya va sport jamiyatining 28-prezidenti, Koreya Sport va Paralimpiya qo‘mitasi boshqaruv kengashi a’zosi, Koreya sport ta’limi jamiyati prezidenti Lee Han Kyung hamda Pekin sport universiteti professori, og‘ir atletika bo‘yicha xalqaro toifadagi hakam, XIX Osiyo o‘yinlari (2022) Tashkiliy qo‘mitasi a’zosi, XXIX Olimpiya o‘yinlari (2008) Tashkiliy qo‘mitasi a’zosi, Xalqaro og‘ir atletika federatsiyasi Ilmiy-tadqiqot qo‘mitasi a’zosi, Pekin sport universiteti Milliy ta’lim-mashg‘ulot bazasi direktori, Xitoy og‘ir atletika assotsiatsiyasi Hakamlar qo‘mitasi raisi Yang Binshengga O‘zbekiston davlat jismoniy tarbiya va sport universitetining “Faxriy doktor”i unvoni berildi.

 
🟡Mazkur yuksak e’tirof xalqaro sport va ilm-fan rivojiga katta hissa qo‘shib kelayotgan mutaxassislarning ko‘p yillik samarali faoliyati, ilmiy-pedagogik salohiyati hamda mamlakatlar o‘rtasidagi ilmiy-akademik va sport aloqalarini rivojlantirish borasidagi xizmatlarining munosib e’tirofidir.

⚡️“Faxriy doktor” unvonining topshirilishi O‘zbekiston davlat jismoniy tarbiya va sport universitetining xalqaro hamkorlik aloqalarini yanada kengaytirish, xorijiy yetakchi mutaxassislar bilan ilmiy va akademik hamkorlikni rivojlantirish hamda jahon sport ta’limi va ilm-fani bilan integratsiyani mustahkamlash yo‘lidagi muhim qadam bo‘ldi.

🗣️Universitet jamoasi professor Lee Han Kyung va professor Yang Binshengni ushbu yuksak unvon bilan samimiy muborakbod etadi hamda ularning kelgusidagi ilmiy-pedagogik va sport faoliyatida ulkan muvaffaqiyatlar tilaydi!