✅Yoshlar o‘rtasida jismoniy tarbiya va sportni ommalashtirish: muammolar va istiqbollar 

#ilmiy_anjuman

📊Bugun, 4-aprel kuni ana shu mavzuda universitetning QISHKI VA MURAKKAB-TEXNIK SPORT TURLARI NAZARIYASI VA USLUBIYATI KAFEDRASI tomonidan Respublika ilmiy-amaliy konferensiyasi o‘tkazildi.

✔️Universitet rektori Rashid Matkarimovning kirish so‘zi bilan boshlangan anjumanda prorektorlar, kafedra mudirlari, qishki va murakkab-texnik sport turlari bo‘yicha respublikamizning yetakchi mutaxassislari, professor-o‘qituvchilar, yosh olimlar hamda talabalar ishtirok etdi.

📍Konferensiya davomida yoshlar o‘rtasida jismoniy tarbiya va sportni ommalashtirish, qishki va murakkab-texnik sport turlarini rivojlantirish strategiyalari hamda bo‘lajak chempionlarini tayyorlash istiqbollari to‘g‘risida fikr-mulohazalar bildirildi.

Sohadagi yangilik va izlanishlar bo‘yicha o‘zaro tajriba almashishga xizmat qilgan ushbu konferensiyada mavzuga oid bir qator taqdimotlar qilinib, ular bo‘yicha muhokamalar bo‘lib o‘tdi va yakunda faol ishtirokchilarga sertifikatlar topshirildi.