🇺🇿🇨🇳O‘zDJTSU va Sian Jismoniy tarbiya universiteti o‘rtasida Qo‘shma tadqiqot markazi tashkil etiladi!

#tashrif

Bugun, 4-iyun kuni O‘zbekiston davlat jismoniy tarbiya va sport universitetiga Xitoy Xalq Respublikasi Sian Jismoniy tarbiya universiteti partiya kotibi Liu Zi Shi boshchiligidagi delegatsiya tashrif buyurdi.

✔️Faxriy mehmonlar universitet rektori Rashid Matkarimov va Sport vazirligi mas’ul xodimi Muqim Arziqulov hamda universitet jamoasi tomonidan munosib kutib olindi va tomonlar o‘rtasida uchrashuv bo‘lib o‘tdi.

💬Uchrashuv davomida ikki oliy ta’lim muassasasi o‘rtasida o‘rnatilgan xalqaro hamkorlikni mustahkamlash, talabalar va professor-o‘qituvchilar almashinuvi, ilmiy tadqiqotlar, seminar va musobaqalar hamda qo‘shma dasturlarni amalga oshirish kabi muhim masalalar yuzasidan fikrlar almashilib, bir qator takliflar bildirildi. Shuningdek, Sian Jismoniy tarbiya universiteti professori tomonidan oliygoh faoliyatiga oid qilingan taqdimot ham barchada katta qiziqish uyg‘otdi.

☄️E’tiborlisi, universitetlararo aloqalarni rivojlantirish, shu bilan birga xalqaro sport ta’limi rivojiga qo‘shgan salmoqli hissasi uchun Sian Jismoniy tarbiya universiteti partiya kotibi Liu Zi Shiga O‘zbekiston davlat jismoniy tarbiya va sport universiteti "Faxriy professor"i unvoni tantanali ravishda topshirildi.

✔️Mazkur tashrifning eng ahamiyatli jihati O‘zbekiston davlat jismoniy tarbiya va sport universiteti hamda Sian Jismoniy tarbiya universiteti o‘rtasida tashkil etiladigan Qo‘shma tadqiqot markazi  bo‘lib, kelgusida ushbu markazda bir qancha sport turlarini rivojlantirish bo'yicha ilmiy loyihalarni birgalikda olib borishga kelishib olindi.

Rasmiy uchrashuvdan so‘ng delegatsiya vakillari universitet rahbariyati hamrohligida oliygoh bo‘ylab sayohat qilib, talabalar va professor-o‘qituvchilar uchun yaratilgan sharoit, sport inshootlari hamda ilmiy laboratoriyalar faoliyati bilan yaqindan tanishtirildilar.