📘Konstitutsiya — erkin va farovon hayot garovi!

#konstitutsiya
#bayram_tadbiri

✅Konstitutsiya inson huquq va erkinliklarini ta’minlash, davlat suvereniteti, jamiyatda tinchlik va totuvlik tamoyillariga rioya etish, hayotimizning barcha jabhalarida keng ko‘lamli islohotlarni amalga oshirishning kafolatidir.

🏆Bugun, 6-dekabr kuni O‘zbekiston davlat jismoniy tarbiya va sport universitetida ham 8-dekabr – O‘zbekiston Respublikasi Konstitutsiyasi qabul qilinganligining 32 yilligi hamda 10-dekabr O‘zbekiston Respublikasi Davlat madhiyasi qabul qilingan kunlar ko‘tarinki ruhda nishonlandi.

✔️Bayram tadbiri universitetning Yoshlar masalalari va ma’naviy-ma’rifiy ishlar bo‘yicha birinchi prorektor Sherzod Mirzanov tomonidan ochib berildi. Shundan so‘ng Ijtimoiy-gumanitar fanlar kafedrasi professor-o‘qituvchilari tomonidan konstitutsiyaning jamiyat va insonlar hayotida tutgan o‘rni, undagi normalar va moddalarning ahamiyati, Yangi tahrirdagi Konstitutsiyamiz mazmun-mohiyati hamda davlat ramzlaridan biri madhiya haqida keng tushunchalar berildi.

🎭🎼Shuningdek, bayram tadbirining badiiy qismidan joy olgan iqtidorli talabalar ishtirokidagi sahna chiqishlari, sho‘x kuy-qo‘shiq va raqslar yig‘ilganlarning diqqat markazida bo‘ldi.

🎉Yakunda tadbirni tashkil etishda jonbozlik ko‘rsatgan hamda sana munosabati bilan tashkil etilgan eng yaxshi ilmiy maqolalar tanlovi g‘oliblari munosib taqdirlandi.