Universitet rektori jahon chempionati sovrindoriga universitet talabasi boʻlish taklifini bildirdi!

#uchrashuv

Bugun Oʻzbekiston davlat jismoniy tarbiya va sport universitetida oliygoh rektori Rashid Matkarimov hamda Oʻzbekiston para velosporti tarixida ilk bor jahon chempionati sovrindori bo‘lgan Aziz Ataxoʻjayev va uning murabbiy Dilmurod Siddiqov, universitet Qishki va murakkab-texnik sport turlari nazariyasi va uslubiyati kafedrasi professor-oʻqituvchilari oʻrtasida uchrashuv boʻlib oʻtdi.

Uchrashuv avvalida universitet rektori Aziz Ataxoʻjayevni tarixiy gʻalabasi bilan samimiy qutladi. Shuningdek, bu erishilgan gʻalabalar davomiyligini saqlash uchun mashgʻulotlarni yanada kuchaytirish, jumladan oliygoh bazasidagi mavjud sport inshootlaridan unumli foydalanish, murabbiylar sabogʻini hamisha yodda tutish borasida oʻz tavsiyalarini berib oʻtdi.

Uchrashuv yakunida rektor  Rashid Matkarimov tomonidan sportchiga ushbu oliy taʼlim muassasasiga o‘qishga kirish taklifi berildi.

Shuningdek,  sportchini Universitet sport klubiga a'zo qilish bo‘yicha mas'ullarga tegishli ko‘rsatmalar berildi. 

Ma'lumot o‘rnida: Aziz Ataxoʻjayev 2024-yil 21-29 sentabr kunlari Shveysariyaning Syurix shahri mezbonlik qilgan para velosportning shosse yoʻnalishi boʻyicha jahon chempionatida bronza medalini qoʻlga kiritgan edi.