🤼Jahonda kurash sportini rivojlantirish istiqbollari

#ilmiy_anjuman

📊Bugun, 8-fevral kuni O‘zbekiston davlat jismoniy tarbiya va sport universitetida Iqtidorli talabalarning ilmiy tadqiqot faoliyatini tashkil etish bo‘limi hamda Milliy kurash turlari nazariyasi va uslubiyati kafedrasi tomonidan “Jahonda kurash sportining taraqqiyoti va rivojlantirish istiqbollari” mavzusida talabalar ilmiy-amaliy anjumani o‘tkazildi.

💻Anjuman davomida aholining barcha qatlamlarini kurash bilan shug‘ullanishga keng jalb qilish hamda kurashni ommalashtirish, uning jahon sporti durdonasiga aylanishiga va Xalqaro olimpiya o‘yinlari dasturiga kiritilishiga erishish, kurash bo‘yicha professional trenerlar, hakamlar tayyorlash, o‘quv-uslubiy qo‘llanmalar ishlab chiqish hamda kurashning ilmiy-metodologik bazasini kuchaytirish kabi dolzarb mavzularda taqdimotlar qilinib, ular yuzasidan muhokamalar bo‘lib o‘tdi.

📜Yakunda eng yaxshi taqdimot egalariga sertifikatlar topshirildi.