“Onam aytgan allalar” tanlovi gʻoliblari aniqlandi!

#tanlov #alla

Bugun Oʻzbekiston davlat jismoniy tarbiya va sport universitetida Zulfiyaxonim tavalludining 109 yilligi hamda  8-mart – Xalqaro xotin-qizlar kuni bayrami munosabati bilan talaba-qizlar oʻrtasida tashkil etilgan “Onam aytgan allalar” musiqiy tanlovining Universitet bosqichi boʻlib oʻtdi.

Unda universitet professor-oʻqituvchilari, Respublika maʼnaviyat va maʼrifat markazi Chirchiq shahar boʻlinmasi vakillari, tyutorlar va talaba-yoshlar ishtirok etishdi.

Tanlovning final bosqichida ishtirokchi qizlar oʻrtasida – “Eng yaxshi alla ijrosi”, “Savol-javob” hamda “Men sevgan mashgʻulot”  kabi uchta shart boʻyicha murosasiz bahs kechdi. Oʻz navbatida har bir shartdagi chiqishlar hakamlar hayʼati tomonidan baholab borildi. 

Eng ahamiyatlisi, sport bilan birga oʻzlaridagi ijodiy, pazandalik va boshqa qator iqtidorlarini namoyon eta olgan talaba-qizlar tadbir qatnashchilarining olqishiga sazovor boʻldi.

👇Yakuniy natijalar esa quyidagicha:

🥇1-oʻrin – Mahliyo Yoqubjonova (Adaptiv jismoniy tarbiya va parasport kafedrasi talabasi);
🥈2-oʻrin – Muxlisa Qurbanjonova (Milliy kurash turlari nazariyasi va uslubiyati kafedrasi talabasi);
🥉3-oʻrin – Moxichehra Baxtiyorova (Gimnastika sport turlari nazariyasi va uslubiyati kafedrasi talabasi).

Shuningdek, qolgan ishtirokchi qizlar ham “Eng yaxshi sportchi qiz”, “Eng yaxshi pazanda qiz” “Eng mehribon ona” va “Eng yaxshi shoira qiz” nominatsiyalariga loyiq koʻrildi.

Yakunda g‘olib va sovrindorlar universitet tomonidan  pul mukofotlari, diplom, tashakkurnoma hamda esdalik sovg‘alari bilan taqdirlandi.