O‘zDJTSUda “Biz korrupsiyaga qarshimiz” mavzusida insholar tanlovi o‘tkazildi

#Aksilkorrupsiya_oyligi
#tanlov

Bugun O‘zbekiston davlat jismoniy tarbiya va sport universitetida 9-dekabr – Xalqaro korrupsiyaga qarshi kurashish kuniga bag‘ishlangan Aksilkorrupsiya oyligi doirasida talaba-yoshlar o‘rtasida “Biz korrupsiyaga qarshimiz” mavzusida insholar tanlovi bo‘lib o‘tdi.

Unda fakultet bosqichidan yaxshi ko‘rsatkich bilan Universitet bosqichiga yetib kelgan talabalar ishtirok etib, insholarida korrupsiya tushunchasi va jamiyatda sodir etiladigan korrupsion holatlarning oqibatlari haqida o‘z fikrlarini bayon qilishdi.

Shuningdek, tanlov maxsus komissiya vakillari tomonidan kuzatib borildi va topshirilgan insholarni tekshirish jarayonlari boshlandi. Tanlov g‘oliblari 9-dekabr – Xalqaro korrupsiyaga qarshi kurashish kuni munosabati bilan tashkil etiladigan tadbirda e’lon qilinadi hamda taqdirlanadi.