MENING KONSTITUTSIYAM – MENING KELAJAGIM!

Bugun O‘zbekiston davlat jismoniy tarbiya va sport universitetida “Mening konstitutsiyam – mening kelajagim” shiori ostida Konstitutsiyaviy qonun loyihasiga bag‘ishlangan navbatdagi targ‘ibot tadbiri bo‘lib o‘tdi.

Unda O‘zbekiston “Adolat” SDP Toshkent viloyati kengashi raisi F.Alloyev, partiyaning “Ayollar qanoti” Toshkent viloyati kengashi raisi, deputat G.Axmedova, O‘zbekiston Belbog‘li kurash federatsiyasi raisi, Chirchiq shahar deputati R.Dastirov, partiyaning Toshkent viloyati deputati M.Yakubov, universitet rektori M.Boltabayev, rahbar xodimlar, harbiylar, professor-o‘qituvchilar va talabalar ishtirok etishdi.

Tadbir davomida deputatlar hamda oliygoh rahbari tomonidan yangilanayotgan konstitutsiyamizning mazmun-mohiyati, undagi o‘zgartirish va qo‘shimchalarning nechog‘lik zarur ekanligi va bu o‘zgarishlar kelgusida mamlakatimizni har jihatdan yuksaltirishga xizmat qilishi, shuningdek, oldinda kutilayotgan referendumning ahamiyati to‘g‘risida so‘z yuritildi.

Tadbir yakunida talaba-yoshlar ham yangilanayotgan konstitutsiya haqidagi o‘ziga xos fikr-mulohazalarini bildirib o‘tishdi.