Yoshlarni sportga keng jalb etishga qaratilgan targ‘ibot tadbiri tashkil etildi!

Kuni kecha O‘zbekiston davlat jismoniy tarbiya va sport universiteti hamda O‘zbekiston Respublikasi Qurolli Kuchlari Qo‘mondonligi bilan hamkorlikda Toshkent viloyati Chinoz tumanidagi 2-sonli umumta’lim maktabida o‘quvchi- yoshlar bilan mashhur sportchilar ishtirokida sportda erishilgan yutuqlar va chempionlikka olib boradigan yo‘lning mashaqqatli mehnatlari to‘g‘risida ochiq muloqot tashkil etildi.

Unda 75559 harbiy qism komandiri podpolkovnik A.Tojimatov, universitetning Yakkakurash sport turlari fakulteti dekan o‘rinbosari S.Eshpo‘latov, Boks, qilichbozlik nazariyasi va uslubiyati kafedrasi o‘qituvchisi, O‘zbekistonda xizmat ko‘rsatgan sportchi R.Saidov, xalqaro toifadagi sport ustasi S.Salmonov va harbiy xizmatchilar ishtirok etishdi.