O‘zDJTSU jamoasi sport sohasini rivojlantirishjga oid xalqaro anjumanda ishtirok etdi

#xalqaro_davra_suhbati

2025-yil 2-aprel kuni Minsk shahrida joylashgan Belarus davlat jismoniy tarbiya universitetida “Yevroosiyo hamkorligi doirasida universitetlararo hamkorlik: yangi istiqbollar” mavzusida xalqaro onlayn anjuman bo‘lib o‘tdi. 

Unda Yevroosiyo mamlakatlarining yetakchi jismoniy tarbiya va sport universitetlari qatori O‘zbekiston davlat jimsoniy tarbiya va sport universitetining Ilmiy ishlar va innovatsiyalar bo‘yicha prorektori Shukurjon Gaziyev boshchiligidagi kafedra mudirlari, professor-o‘qituvchilar hamda ilmiy xodimlar ishtirok etdi.

Suhbat davomida universitet prorektori Shukurjon Gaziyev “O‘zbekiston davlat jismoniy tarbiya va sport universiteti misolida sport ilmining rivojlanish tendensiyalari” mavzusida ma’ruza qildi. Shuningdek, Yevroosiyo makonida universitetlar o‘rtasidagi o‘quv va ilmiy aloqalarni rivojlantirish, innovatsion hamkorlikni kuchaytirish va kelgusidagi qo‘shma loyihalarni birgalikda amalga oshirish masalalari bo‘yicha muhokamalar o‘tkazdi.

Yevroosiyo makonida jismoniy tarbiya va sport sohasida integratsiya jarayonlarini mustahkamlash, ilmiy-tadqiqot va ta’lim sohalarida samarali hamkorlikni yo‘lga qo‘yishda muhim qadam bo‘lgan ushbu suhbatda Kubaning “Manuel Faxardo” nomidagi jismoniy tarbiya va sport fanlari universiteti, Rossiya, Belarus, Qozog‘iston, Qirg‘iziston va boshqa davlatlardan ham vakillar qatnashib, o‘zaro hamkorlik tajribalari bilan o‘rtoqlashishdi.