Universitet talabalari tadbirkorlikka oid seminar-treningda ishtirok etdi

#kelajakka_qadam_loyihasi

2025-yil 28-mart kuni universitetimizning bir guruh tadbirkorlik faoliyatiga qiziquvchi talaba-yoshlari Talabalar amaliyoti va bandligini ta’minlash bo‘limi mas’ullari bilan birgalikda Chirchiq davlat pedagogika universitetida joylashgan “Kelajakka qadam” markazida tashkil etilgan “Biznes g‘oyadan tayyor loyihagacha” mavzusidagi seminar-treningda ishtirok etdilar.

Seminar davomida talabalar tegishli bank xodimlari bilan suhbatlashib, oʻzlarining  biznes loyihalarini taqdim etdi va ularni tayyorlashga oid qiziqtirgan savollariga javob oldilar. 

Shuningdek, seminarda bank xodimlari, bitiruvchi talabalar uchun 10 million so'mdan 100 million so'mgacha, yirik loyihalar uchun esa 1 milliard so'm miqdorida ham imtiyozli asosda kreditlar ajratilishi mumkinligini alohida ta’kidladilar.

Shu o‘rinda, tadbirkorlik faoliyatiga qiziquvchi talabalarimizni Talabalar amaliyoti va bandligini ta’minlash bo‘limiga (“A” bino 216-xona) murojaat qilishlarini so‘raymiz! Telefon: +99894 058-13-18.