“Kelajakka qadam” markazi

“Kelajakka qadam” dasturi O‘zbekiston Respublikasi Prezidentining 14.02.2025 yildagi PQ-61-son qarori bilan tasdiqlangan.

Dasturni amalga oshirish maqsadida «O‘zmilliybank» AJga Tiklanish va taraqqiyot jamg‘armasidan:

— 80 million AQSh dollari ekvivalenti miqdorida 10 yilga (3 yillik imtiyozli davr bilan), Markaziy bankning asosiy stavkasiga teng foizda;

— 20 million AQSh dollari ekvivalenti talabalarni kasbga tayyorlash va kasbiy amaliyot xarajatlarini moliyalashtirish uchun beg‘araz asosda mablag‘ ajratilgan.

Qaror bilan «O‘zmilliybank» AJ huzurida “Kelajakka Qadam” Markazi tashkil qilingan.

“Kelajakka Qadam” dasturi Oliy ta’lim, fan va innovatsiyalar vazirligi va boshqa tashkilotlar tomonidan O‘zbekistonda oliy ta’lim bitiruvchilarini ishga joylashishi va tadbirkorlikka yo‘naltirishni qo‘llab-quvvatlashga mo‘ljallangan.

Dastur “bitiruvchi bosqich” va “quyi bosqich” talabalari uchun mo‘ljallangan.

Unda quyidagi yo‘nalishlar mavjud:

• Ishga joylashish 
• Biznes g‘oya yaratish 
• Amaliy ko‘nikmalarni oshirish

Dasturning asosiy maqsadi — yosh mutaxassislarni ishga tayyorlash, tadbirkorlik potentsialini rivojlantirish va mehnat bozoriga moslashuvni oshirish.

✔️“Kelajakka qadam” dasturi doirasida O‘zbekiston davlat jismoniy tarbiya va sport universitetida  seminar o‘tkazildi. Prezidentning 2024-yil 14-fevraldagi qarori asosida bitiruvchilarning bandligini ta’minlash va mehnat bozoriga integratsiyasini kuchaytirishga qaratilgan “Kelajakka qadam” dasturi bosqichma-bosqich amalga oshirilmoqda.

Jumladan, 10-iyun kuni Respublika ishchi guruhi tomonidan O‘zbekiston davlat jismoniy tarbiya va sport universitetida  Oʻzbekiston Respublikasi Markaziy banki yoshlar masalalari boʻyicha boʻlim  boshligʻi,  yoshlar masalalari boʻyicha rais maslaxatchisi  Elyor Ikromov, “O‘zmilliybank” AJ kelajakka qadam loyixasi boʻyicha ma'sul xodimi  Ilhomov Azimjon Ilyosovich bilan hamkorlikda markaz mutaxassislari uchun seminar tashkil etildi.

💼 Seminar davomida:
— Talabalar tomonidan o‘z biznes g‘oyalari bilan “Kelajakka qadam” markaziga murojaat qilish tartibi;
— Bitiruvchilar uchun mo‘ljallangan 3 turdagi kredit paketlari — “Kelajakka qadam” (10 mln so‘mgacha), “Kelajak uchun start” (100 mln so‘mgacha) va “Yorqin kelajak sari” (1 mlrd so‘mgacha) haqida batafsil ma’lumot berildi.

💰 Bitiruvchi yoshlar uchun bugungi kunga qadar ushbu dastur doirasida 100 mln so‘mlik loyiha moliyalashtirilgan bo‘lib, ayni kunlarda yana 100 mln so‘mlik kredit paketini rasmiylashtirish jarayonlari olib borilmoqda.

📌 Dastur yoshlarga o‘z g‘oyalarini amalga oshirish, tadbirkorlikni boshlash va moliyaviy qo‘llovga ega bo‘lishda keng imkoniyatlar yaratmoqda.