Bugun O‘zbekiston davlat jismoniy tarbiya va sport universitetiga O‘zbekistonda xizmat ko‘rsatgan murabbiy, tajribali mutaxassis Mixail Mixaylovich Romanchuk tashrif buyurdi.

Tashrif doirasida murabbiy universitetning boks yo‘nalishida tahsil olayotgan talabalar uchun maxsus mahorat darsi o‘tkazdi. Ushbu amaliy mashg‘ulot davomida talabalar yuqori darajadagi texnik va taktik bilimlar, xalqaro tajriba asosidagi ko‘nikmalar bilan boyitildi.

✔️Shundan so‘ng universitet rahbariyati – rektor R. Matkarimov, prorektorlar, yakkakurash sport turlari kafedralari mudirlari hamda O‘zbekiston boks terma jamoasi murabbiylari ishtirokida davra suhbati tashkil etildi. Unda Romanchukning xalqaro murabbiylik tajribasi, o‘zbek boksining jahon sportidagi o‘rni, uning taraqqiyot bosqichlari va istiqboldagi ustuvor vazifalar yuzasidan fikr-mulohazalar almashildi.

➡️Tadbir yakunida Mixail Mixaylovich Romanchukning o‘zbek boksining rivojiga qo‘shgan ulkan hissasi, shuningdek, universitetdagi ko‘p yillik samarali faoliyati e’tirof etildi. Unga O‘zbekiston davlat jismoniy tarbiya va sport universitetining fahriy professori unvoni tantanali ravishda topshirildi.

🗣️Ma’lumot o‘rnida: Mixail Romanchuk murabbiyligida bir qator mashhur bokschilar yetishib chiqqan.  Jumladan:
 
🟣Alisher Rahimov — Osiyo chempioni  (1999) 
⏺ Ikrom Berdiev  —  Osiyo o‘yinlari g‘olibi (2002)
🔘Rustam Saidov  —  Osiyo o‘yinlari g‘olibi va Sidney Olimpiadasi sovrindori
🔘G'ayrat Matkarimov — Sport ustasi, Sidney Jekson xalqaro xotira turniri g‘olibi
⏺To‘lqin Qilichev — Sport ustasi, Yoshlar o‘rtasidagi O‘zbekiston chempioni (2001) 
⏺Artur Beterbiev, David Ayrapetyan, Ruslan Timurziev  —  Yevropa chempionlari
⏺ Islam Kanat — Pekin Olimpiadasi sovrindori. 
Ustoz murabbiy tarbiyalagan ushbu sportchilar nafaqat mintaqada, balki butun dunyoda dovruq qozonib Mixail Romanchuk  boks maktabining  shakllanishiga munosib hissa qo‘shgan.