Aholining korrupsiyaga qarshi kurashishda faolligini oshirish – qonun ustuvorligi garovi!

#targ‘ibot_tadbiri

Bugun ana shu mavzuda O‘zbekiston davlat jismoniy tarbiya va sport universitetida “Korrupsiyaga qarshi kurashish” oyligi munosabati bilan “Adolat” SDP hamda tegishli soha vakillari ishtirokida ommaviy targ‘ibot tushuntirish tadbiri bo‘lib o‘tdi.

Unda universitetning Yoshlar masalalari va ma’naviy-ma’rifiy ishlar bo‘yicha birinchi prorektori Sherzod Mirzanov, Korrupsiyaga qarshi kurashish “komplaens-nazorat” tizimini boshqarish bo‘limi xodimlari, O‘zbekiston “Adolat” SDP  Siyosiy Kengashi raisi o‘rinbosari Ulug‘bek Rasulov, O‘zbekiston “Adolat” SDP  Siyosiy Kengashi Markaziy apparati Xotin-qizlarning siyosiy huquqiy faolligini oshirish  boshqarmasi boshlig‘i Rayxona Urmanova, O‘zbekiston “Adolat” SDP Toshkent viloyati kengashi raisi Gulnora Axmedova, Chirchiq shahar Adliya bo‘limi boshlig‘i Xusniddin Saypiyev, oliygoh profilaktika inspektori, professor-o‘qituvchilar hamda talabalar qatnashdi.

Tadbir davomida mutaxassislar mamlakatimizda olib borilayotgan keng ko‘lamli islohotlarga katta to‘siq va tahdid bo‘lmish korrupsiya  illati jamiyatni ich-ichidan yemiradigan og‘ir kasallik ekani, korrupsiyaning jamiyatimizga yetkazayotgan zarari hamda uning mamlakat rivojidagi salbiy oqibatlari haqida tushuntirishlar berilib, korrupsiyaga qarshi kurashishda nafaqat tegishli soha vakillari, aholining barcha qatlami birdek mas’ul ekanligi ta’kidlandi.