Tegishli bo‘limlarning 2025-yilda amalga oshiradigan ustuvor vazifalari belgilab olindi

Bugun, universitetning Ilmiy tadqiqotlar, innovatsiyalar va ilmiy-pedagogik kadrlar tayyorlash, Iqtidorli talabalarning ilmiy-tadqiqot faoliyatini tashkil etish, Ilmiy tadqiqot va innovatsion ishlanmalarni tijoratlashtirish bo‘limlari hamda Raqamli texnologiyalar va “Sport IT” markazi tomonidan 2025-yilga rejalashtirilgan istiqbolli rejalar yuzasidan taqdimotlar qilinib, ular universitet rektori Rashid Matkarimov, Sport vazirligi mas’uli va prorektorlar tomonidan tinglandi.

Taqdimotlarda mazkur tuzilmalar tomonidan o'tgan davr mobaynida qilingan ishlar sarhisob qilinib, 2025-yildagi ustuvor vazifalar, xususan, ilmiy laboratoriyalar negizida “Ilmiy tadqiqot markazi” tashkil etish, iqtidorli talabalarni Innovatsion rivojlanish agentligi tomonidan e’lon qilinadigan fundamental, amaliy, innovatsion va “Start up” loyihalariga jalb qilish, Ilmiy tadqiqotlar, innovatsiyalar va ilmiy pedagogik kadrlar tayyorlash bo‘limi tomonidan qo‘llaniladigan platformalar haqidagi ma’lumotlar aks ettirildi.

Yakunda mazkur yo‘nalishlardagi mavjud muammolar va ularning yechimiga qaratilgan takliflar bildirildi.