Ilmli qiz – millat koʻzgusi!

#davra_suhbati

Joriy yilning 11-oktabr kuni universitetda Xotin-qizlar bilan ishlash boʻlimi masʼullari tashabbusi bilan 11-oktabr – Xalqaro qizlar kuniga bagʻishlab “Sening tashabbusing – sening kelajaging” shiori ostida  “Ilmli qiz – millat koʻzgusi” deb nomlangan davra suhbati  tashkil etildi.

Unda universitet Xotin-qizlar boʻlimi boshligi Dilnoza Ismailova, Suv sporti, eshkak eshish turlari nazariyasi va uslubiyati hamda Jismoniy tarbiya sport nazariyasi va uslubiyati kafedrasining xotin-qizlar boʻyicha mas’ullari ayol professor-oʻqituvchilar, mahalla faollari va talaba-qizlar ishtirok etdi. 

Mamlaktimizda xotin-qizlarning oʻrni va mavqeyini oshirish, yangi avlod olimalarini tarbiyalash, mazkur yoʻnalishdagi istiqbolli loyihalarini ragʻbatlantirish boʻyicha muhim tashabbuslarni qoʻllab-quvvatlash, хotin-qizlarni ilm-fan sohasiga yanada keng jalb etish borasida soʻz borgan ushbu davra suhbati yosh olimalar va talaba-qizlarda oʻzgacha taassurot qoldirdi. Shuningdek, davra suhbatida universitetning nomdor stipendiya sohibalari ham oʻzlarining erishgan yutuqlari va unga olib boruvchi yoʻllar haqida talaba-qizlar bilan oʻrtoqlashdilar. 

Yakunda tadbirning faol ishtirokchilariga tashakkurnomalar topshirildi.