Universitet rektori xorijlik mutaxassis bilan uchrashdi

#uchrashuv

2024-yilning 26-sentabr kuni O‘zbekiston davlat jismoniy tarbiya va sport universiteti rektori, professor Rashid Matkarimov Malayziya davlatining Pendidikan Sulton Idris universiteti til o‘rgatish bo‘yicha instruktori doktor Muhammad Hilmi Che Ahmad bilan uchrashdi. 

Sport vazirligi boshqarma boshlig‘i o‘rinbosari Muqim Arziqulov, O‘quv ishlari bo‘yicha prorektor Eldor Raxmanov, O‘zbek va chet tillari kafedrasi mudiri Nodir G‘afforov va kafedra o‘qituvchilari ishtirokida bo'lib o'tgan uchrashuvda rektor, faxriy mehmonga universitetning o‘zbek va chet tillari kafedrasida qariyb bir oy davomida olib borgan samarali faoliyati, professor-o‘qituvchilar bilan o‘tkazgan qiziqarli suhbatlari hamda talabalar bilan olib borgan amaliy mashg‘ulotlari uchun chuqur minnatdorchilik bildirdi.

Uchrashuv so'ngida esa kelajakda ikki universitet orasida hamkorlik ishlari yana ham unumli bo‘lishiga umid bildirdi.