O‘zbekistonda din va davlat munosabatlari, diniy va dunyoviylik uyg‘unligi

#ma'rifiy_tadbir

⚡️Bugun O‘zbekiston davlat jismoniy tarbiya va sport universitetda Vazirlar Mahkamasi huzuridagi Din ishlari bo‘yicha qo‘mita xodimi, islomshunos Jahongir Meliqo‘ziyev ishtirokida shu mavzuda tadbir tashkil etildi.

⏩“Jaholatga qarshi ma’rifat” shiori ostida o‘tkazilgan ushbu tadbirda universitetning Yoshlar masalalari va ma’naviy-ma’rifiy ishlar bo‘yicha birinchi prorektori Sherzod Mirzanov, kafedra mudirlari, professor-o‘qituvchilar, tyutor va talabalar ishtirok etdi.

👨‍💼Tadbir davomida mutaxassis O‘zbekistonda davlat va din munosabatlarining asosiy tamoyillari, dinning huquqiy davlat, fuqarolik jamiyatida tutadigan o‘rni va mavqei, sohada yaratilgan mustahkam qonunchilik poydevori, shuningdek, yoshlar o‘rtasida diniy bag‘rikenglik hamda millatlararo totuvlik g‘oyalarini keng targ‘ib qilish, ularni dunyoviylik, vatanparvarlik ruhida tarbiyalash va  yoshlarni turli oqimlarga qo‘shilib qolish oqibatida yuzaga kelayotgan ayanchli holatlar haqida ma’ruza qildi.

🎥Ochiq muloqot tarzda kechgan tadbirda talabalar o‘zlarini qiziqtirgan savollariga batafsil javob olishdi. Tadbir taniqli rejissyor Dilmurod Masaidov tomonidan suratga olingan “Ayol qismati” badiiy filmi namoyishi bilan o‘z nihoyasiga etdi.

✔️Ma’lumot o‘rnida, mazkur film real voqealarga asoslangan bo‘lib, 2021-yil O‘zbekiston Respublikasi Prezidentining tashabbusi bilan Suriyadagi vatandoshlarimizni yurtga qaytarish maqsadida tashkil etilgan “Mehr operatsiyasi” jarayonlariga bag‘ishlangan.