Joriy yilning 25-noyabr kuni O‘zbekiston davlat jismoniy tarbiya va sport universiteti Kurash fakultetining Xalqaro kurash turlari nazariyasi va uslubiyati kafedrasi rahbariyati tomonidan o‘zining namunali xulqi, ilmga chanqoqligi va jamoat ishlarida faolligi bilan tengdoshlariga namuna bo‘lib kelayotgan bir guruh talabalarning ota-onalariga tashakkurnomalar taqdim etildi.
Unda Xalqaro kurash turlari nazariyasi va uslubiyati kafedrasi mudiri S.Adilov hamda kafedra professor-o‘qituvchilari ishtirok etdi.
Tadbir yakunida kafedra mudiri talaba-yoshlarga tashakkurnomalarni o‘z ota-onalariga yetkazishlarini alohida ta’kidlab, ularning kelgusidagi o‘qish va ishlarida omad tilab qoldi.