O‘zDJTSU: basketbol sport turini rivojlantirish bo‘yicha xalqaro aloqalar yo‘lga qo‘yildi

Bugun O‘zbekiston davlat jismoniy tarbiya va sport universitetiga Rossiya talabalar basketbol assotsiatsiyasi ijrochi direktori Sergey Vladimirovich Kryukov boshchiligidagi delegatsiya tashrif buyurdi.

Dastlab, delegatsiya vakillari hamda universitetning Xalqaro hamkorlik bo‘yicha prorektori J.Zarifboyev, Basketbol, voleybol nazariyasi va uslubiyati kafedrasi masʼullari va professor-o‘qituvchilar o‘rtasida uchrashuv tashkil qilindi. Unda delegatsiya vakillari tomonidan Rossiya talabalar basketbol assotsiatsiyasining loyihalari va faoliyati haqida maʼlumotlar berildi hamda mamlakatimiz, xususan, universitetda basketbol sportini rivojlantirish va xalqaro aloqalarni o‘rnatish bo‘yicha ikki tomon vakillari o‘rtasida hamkorlik memorandumi imzolandi.

Shuningdek, faxriy mehmonlar universitet talaba-yoshlari bilan o‘tkazgan davra suhbatida assotsiatsiya faoliyati, unda yaratilgan imkoniyatlar haqida yana-da kengroq maʼlumotlar berishdi.

Yakunda esa delegatsiya vakillari oliygohda talabalar uchun yaratilgan sharoitlar bilan yaqindan tanishishdi.