Bugun O‘zbekiston davlat jismoniy tarbiya va sport universiteti rektori Maxmudjon Boltabayev ishtirokida oliygohning birinchi bosqich talabalari uchun ochiq muloqot tashkil etildi.
Muloqot avvalida, universitet rektori barcha talaba-yoshlarni sportchilar oilasiga qo‘shilganliklari hamda Mustaqilligimizning 32 yilligi bilan samimiy qutladi.
Samimiy muloqot tarzda kechgan uchrashuvda talaba-yoshlar o‘zlarini qiziqtirgan savollarini yo‘llash bilan bir qatorda, turli takliflarni ham bildirib o‘tishdi.
Yakunda esa oliygoh rektori barcha talabalarga halol va puxta egallangan bilim – buyuk kelajak poydevori ekanligini taʼkidlab, ularni o‘qish va ishlarida ulkan zafarlar tiladi.