O‘zDJTSU: barcha sport turlari bo‘yicha xalqaro aloqalar mustahkamlamoqda!

Bugun O‘zbekiston davlat jismoniy tarbiya va sport universitetiga Rossiya davlatining P.F. Lesgaft nomidagi Milliy davlat jismoniy tarbiya, sport va sog‘liqni saqlash universiteti murabbiyi, qilichbozlik bo‘yicha xalqaro toifadagi sport ustasi Kishchenkov Mixail Igorevich tashrif buyurdi.

Dastlab, faxrli mehmon hamda O‘zbekiston davlat jismoniy tarbiya va sport universitetining Boks, qilichbozlik nazariyasi va uslubiyati kafedrasi professor-o‘qituvchilari va qilichbozlik yo‘nalishida tahsil olayotgan talabalar ishtirokida uchrashuv bo‘lib o‘tdi.

Unda qilichbozlik sport turini yanada rivojlantirish yo‘lida xalqaro aloqalarni o‘rnatish, o‘zaro tajriba almashish masalalari muhokama qilindi. Uchrashuvdan so‘ng esa, Kishchenkov Mixail Igorevich tomonidan mazkur sport turi bo‘yicha talablar uchun master-klass tashkil etildi.