Eshkak eshish sport turlari sohasida ilmiy tadqiqotlar hamda innovatsion texnologiyalarni joriy etish istiqbollari

2026-yil 19-may kuni O‘zbekiston davlat jismoniy tarbiya va sport universitetida Eshkak eshish sport turlari nazariyasi va uslubiyati kafedrasi tomonidan “Eshkak eshish sport turlari sohasida ilmiy tadqiqotlar hamda innovatsion texnologiyalarni joriy etish istiqbollari" mavzusida Respublika ilmiy-amaliy anjumani o‘tkazildi.

🗣Anjuman davomida soha mutaxassislari, professor-o‘qituvchilar, ilmiy izlanuvchilar hamda amaliyotchi trenerlar tomonidan eshkak eshish sport turlarini rivojlantirish, zamonaviy innovatsion texnologiyalarni joriy etish, sportchilar tayyorgarligini takomillashtirish va ilmiy yondashuvlarni amaliyotga tatbiq etish masalalari muhokama qilindi.
 

Anjuman yalpi majlisidan so‘ng quyidagi sho‘balar kesimida o‘z ishini davom ettirdi:

1️⃣ Eshkak eshish sport turlarida sportchilarni tayyorlash va musobaqa jarayoniga raqamli texnologiyalarni tatbiq qilish;
2️⃣ Eshkak eshish sport turlari sog’lom turmush tarzini targ’ib qilish va aholini ommaviy sportga jalb qilish vositasi sifatida;
3️⃣ Eshkak eshish sport turlarida sportchilar ko’p yillik tayyorgarlik jarayoniga innovatsion texnologiyalarni integratsiya qilish;
4️⃣ Jismoniy tarbiya va sport nazariyasi va amaliyoti rivojlanishining zamonaviy tendensiyalari;
5️⃣ Paralimpiya sportchilarni tayyorlashda dolzarb muammolar va ularning yechimi;
6️⃣ Eshkak eshish sport turlarida sportchilar tayyorgarligining tibbiy-biologik va psixologik ta’minoti.

✅Mazkur anjuman eshkak eshish sport turlarini ilmiy asosda rivojlantirish, innovatsion texnologiyalarni keng joriy etish hamda trener va mutaxassislar o‘rtasida tajriba almashinuvini kuchaytirishga xizmat qildi.