O‘zDJTSU: Sport tibbiyotini rivojlantirish bo‘yicha hamkorlik yo‘lga qo‘yildi

#hamkorlik

Bugun, 25-aprel kuni O‘zbekiston davlat jismoniy tarbiya va sport universitetiga  sport tibbiyoti sohasini yanada rivojlantirish va hamkorlik aloqalarini o‘rnatish yuzasidan Respublika sport tibbiyoti ilmiy-amaliy markazi vakillari bilan uchrashuv bo‘lib o‘tdi.

Unda universitet rektori Rashid Matkarimov, Ilmiy ishlar va innovatsiyalar bo‘yicha prorektor Sh.Gaziyev, Jismoniy tarbiya va sport ilmiy tadqiqotlar instituti direktori Mehriddin Mirjamalov, institut olimlari, professorlar hamda tegishli bo‘lim rahbarlari ishtirok etdi.

Uchrashuv davomida sport tibbiyoti yo‘nalishida o‘quv-uslubiy faoliyatni takomillashtirish, ilmiy-tadqiqot ishlari va innovatsion faoliyatni rivojlantirish hamda kadrlar tayyorlash va akademik almashinuvni yo‘lga qo‘yish kabi dolzarb masalalar yuzasidan fikrlar almashinilib, O‘zbekiston davlat jismoniy tarbiya va sport universiteti hamda Respublika sport tibbiyoti ilmiy-amaliy markazi o‘rtasida hamkorlik memorandumi imzolandi.

Yakunda markaz vakillari universitet hamda Jismoniy tarbiya va sport ilmiy tadqiqotlar institutidagi mavjud ilmiy laboratoriyalar faoliyati hamda sport mashg‘ulotlari bilan yaqindan tanishdi.