Ommaviy sport targ'ib qilinmoqda

🔷 O‘zbekiston davlat jismoniy tarbiya va sport universiteti jamoasi tomonidan Qibray tumanidagi mahallalar va ta’lim muassasalarida ommaviy sport bilan shug‘ullanish ko‘lamini yanada kengaytirish maqsadida joriy yilning aprel oyi mobaynida sport targ‘ibot tadbirlari o‘tkazilishi rejalashtirilgan.

📆Bugun, 2-aprel kuni  Menejment va sport tadbirlarini tashkil etish, Jangovar yakkakurash sport turlari hamda Taekvondo, qilichbozlik nazariyasi va uslubiyati kafedralari hamkorlikda navbatdagi ommaviy sport tadbirlari Qibray tumanidagi 26-34 maktablarda o‘tkazildi.

✅“Mahallalarda ommaviy sport bilan shug‘ullanish ko‘lamini yanada kengaytirish“ mavzusida qizg‘in davom etayotgan mazkur ommaviy sport tadbirlari mahalla yoshlari va o‘quvchilarida katta qiziqish uyg‘otmoqda.

📍Eslatib o‘tamiz, mazkur tadbirlar Prezident Sh.Mirziyoyev boshchiligida 13-fevral kuni olimpiya va paralimpiya harakati, ixtisoslashtirilgan va ommaviy sportni yangi bosqichga olib chiqish hamda aholi jismoniy faolligini oshirish chora-tadbirlari bo‘yicha o‘tkazilgan videoselektor yig‘ilishida belgilab berilgan vazifalar ijrosini ta’minlash maqsadida tashkil qilinmoqda.