✅Profilaktik tadbirlar jinoyatchilikka qarshi kurashning birlamchi omilidir!

📍Bugun, 3-aprel kuni universitet talaba-yoshlari orasida turli huquqbuzarlik, giyohvandlik, ekstremizm va kiberjinoyatlar oldini olish hamda ularning barvaqt profilaktikasiga qaratilgan tegishli soha vakillari ishtirokida “Bezorilik hamda hayot va sog‘liqqa qarshi jinoyatlarning oldini olish” mavzusida tadbir tashkil qilindi.

✔️Unda universitet Yoshlar masalalari va ma’naviy-ma’rifiy ishlar bo‘yicha birinchi prorektor Sherzod Mirzanov, rektor maslahatchisi Umar To‘raqulov, O‘zbekiston Respublikasi Ichki Ishlar vazirligi akademiyasi xodimi, podpolkovnik Oybek Xo‘jaqulov, kafedra mudirlari, professor-o‘qituvchilar, profilaktika inspektori, tyutorlar hamda talabalar ishtirok etdilar.

⏩Tadbir davomida soha mutaxassisi yoshlar orasida keng tarqalgan huquqbuzarliklarning turli ko‘rinishlari, jumladan, kiberjinoyat va uning oqibatlari, ekstremizm, terrorizm va uyushgan jinoyatchilikka qarshi kurashish bo‘yicha batafsil tushunchalar berildi va barchani ogohlikka chorladi. Shuningdek, tadbir davomida mavzuga doir ijtimoiy videoroliklar namoyish etildi.